Главная >> Древнерусская литература. 6-9 кл. Пименова

 

 

 

 

Древнерусская литература

 

Письма к боярыне Ф. П. Mopoзовой (окончание)

II

...Свет моя, государыня! Люблю я правило1 нощное и старое пение. А буде обленишься на нощное правило; тот день окаянной плоти и есть не давай. Не игрушка душа, что плотским коем ея подавлять! Да переставай ты и медок попивать. Нам иногда случается и воды в честь, да живем же. Али ты нас тем лутчи, что боярыня? Да единако нам Бог распростре небо, еще же луна и солнце всем сияет равно, такожде земля, и воды, и вся прозябающая2 по повелению Владычню служат тебе не болыни, и мне не меньши. А честь прелетает. Един честен, - тот, кто ночью востает на молитву, да медок перестанет, в квас примешивая, пить.

    1 молитву
    2 все растущее

Еще ли, государыня, браниться?

Мне мнится, обленилась ты на ночную молитву. Того ради тебе так говорю с веселием - Евангелие воспоминаю: «Егда поносят вам и изженут вы, возрадуйтеся в той день и взыграйте, се бо мзда ваша многа на небесех». Аще и радостию тебе глаголю, не радуйся о глаголех сих. Дние наши не радости, но плача суть. Воспомяни: егда ты родилася, не взыграла, но заплакала, от утробы исшед материи. И всякой младенец тако творит, прознаменуя плачевное сие житие, яко дние плача суть, а не праздника. Якоже мне, грешнику, на земли и праздника несть, развее святым и праведным, кои веселятся законы Божими и заповедьми его соблю- дающе тако и ты, государыня, плачи суетнаго жития своего и грехов своих, понеже призвал тя Бог в домовое строение и рассуждение; но и воз веселися, егде, в нощи востав, совершиши 300 поклонов в седмь сот молитв веселием и радости духовныя. И меня, грешна- го, помяни тут, надежда моя, к Богу, и жену мою и дети мои.

Еще же реку ти: егда молишися, вниди в клеть свою, затвори двери своя, сиречь все помыслы злыя отринь и единому Богу гори душею; воздохни со восклицанием и рцы: «Господи, согрешила, окаянная, прости! Несмь достойна нарещися дщерь твоя, сотвори мя, яко едину от наемниц твоих!» Еще же глаголю: аще и все добродетели сотворишь, рцы души своей: «ничтоже благо сотворих, ниже начах добро творити». Нощию воставай, - не людем себя приказуй будить, но сама воспряни от сна без лености, - и припади, и поклонися Сотворившему тя. А к вечеру меру помни сидеть, поклоны: егда метание на колену твориши, тогда главу свою впрямь держи; егда же великий прилунится, тогда главою до земли. А нощию триста метаний на колену твори. Егда совершиши сто молитв стоя, тогда «Слава» и «Ныне», «Аллилуйя», и тут три поклоны великия бывают. Тако ж и на «Достойне» всегда поклон великий. На святую Пасху и во всю пятьдесятницу и нощию - в пояс. И промеж Рождества и Крещения - в пояс. И во всякую суботу, и неделю3, и в праздники - в пояс. Разве4 в Великую суботу против Великаго дни - то метание на колену.

    3 воскресенье
    4 кроме

Блюдися ты, государыня, льстецов -- чернцов, и попов, и черниц, еже бы не развратили душу твою, и всех злых человек уклоняйся, а с добрыми беседуй. Не презирай живова мертвеца.

<<< К началу

 

Информация о рекламе

 

Рейтинг@Mail.ru